କେସିଙ୍ଗାରେ ବାଇପାସ ରାସ୍ତା ପ୍ରସଙ୍ଗ - ସଡ଼କ ପରିବହନ ମନ୍ତ୍ରୀ ଓ ତତ୍କାଳୀନ ବିରୋଧି ଦଳ ନେତାଙ୍କ ଗୃହୀତ ପ୍ରତାବ ଙ୍କୁ ବେଖାତିର
କେସିଙ୍ଗା ତା ୨୫. ୩. (ଷ୍ଟାରନିଉଜ ଓଡିଶା ) କଳାହାଣ୍ଡି ଜିଲ୍ଲା ଜୁନାଗଡ଼ ଠାରୁ କେସିଙ୍ଗା ପର୍ଯ୍ୟନ୍ତ ଚାରି ଲେନ ବିଶିଷ୍ଟ ରାସ୍ତା ମଞ୍ଜୁର ହୋଇ ଜମି ଅଧିଗ୍ରହଣ ହେବା ଓ ଜମି ଅଧିଗ୍ରହଣ ପାଇଁ ମ୍ୟାପ ଜାରିହେବା ଦିନଠାରୁ କେସିଙ୍ଗା ଅଞ୍ଚଳ ରେ ଅସନ୍ତୋଷ ର ଦାନା ବାନ୍ଧିବାରେ ଲାଗିଛି ଏନେଇ ଗତ ଗୁରୁବାର ଦିନ ଟ୍ରାଫିକ ସମସ୍ୟା କୁନେଇ ଏକ ସମ୍ମନୟ ବୈଠକ କେସିଙ୍ଗା ଏନଏସି ରେ ତାର ଆଭାସ ମିଳିସାରିଛି! କେସିଙ୍ଗା ରେ ବାଇପାସ ରାସ୍ତା ର ସମାଧାନ ନ ହେବାଯାଏ ଯୋଲକୋ ଠାରୁ କେସିଙ୍ଗା ଆରଓବି ପର୍ଯ୍ୟନ୍ତ ଜମି ଅଧିଗ୍ରହଣ କରିବାକୁ ଦିଆଯିବ ନାହିଁ ବୋଲି କେସିଙ୍ଗାର ଜନତା ଓ ବିଭିନ୍ନ ସଙ୍ଗଠନ ପରୋକ୍ଷ ରେ ପ୍ରଶାସନ ଙ୍କୁ ନିଜର ଆଭିମୁଖ୍ୟ ଜାହିର କରିଛନ୍ତି! ବର୍ଷ ବର୍ଷ ଧରି କେସିଙ୍ଗା ସହରରେ ରେଳ ଫାଟକ ବନ୍ଦ ହେବା ଯୋଗୁଁ ଘଣ୍ଟା ଘଣ୍ଟା ଧରି ଯାମ ଲାଗି ରହୁଥିବାରୁ ଆଜକୁ ୧୫ ବର୍ଷ ପୂର୍ବେ ଲୋକେ ସରକାର ଙ୍କ ଠାରେ କୁରଲୁ ପଡା ଠାରୁ ଯୋଲକୋ ପର୍ଯ୍ୟନ୍ତ ଏକ ରେଳ ଓଭର ବ୍ରିଜ ଓ ବାଇପାସ ରାସ୍ତା ର ପରି କଳ୍ପନା କରି କେସିଙ୍ଗା ଠାରେ ଏକ ରେଳ ଓଭର ବ୍ରିଜ ଓ ବାଇପାସ ର ଦାବୀ ଉଠାଇ ଥିଲେ ତେବେ ଲୋକଙ୍କ ଆବଶ୍ୟକ କୁ ସରକାର ଅନୁଧ୍ୟାନ କରି କେସିଙ୍ଗା ଠାରେ ଏକ ରେଳ ଓଭର ବ୍ରିଜ ଓ ବାଇପାସ ରାସ୍ତା ପାଇଁ ୨୫୪ କୋଟି ଟଙ୍କା ଅନୁମୋଦନ ହେଲା ହେଲେ ଜମି ଅଧିଗ୍ରହଣ ଟଙ୍କା କୁ ନେଇ କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ଅସାମଞ୍ଜସ୍ୟ ଯୋଗୁଁ ପାଖାପାଖି ୧୦ ବର୍ଷ ଅନୁଦାନ ପଡିରହି ଫେରିଯାଇଥିଲା ହେଲେ ବାରମ୍ବାର ରେଳ ଫାଟକ ବନ୍ଦ ହେବାଯୋଗୁଁ ଲୋକେ ନାହିଁନଥିବା ଅସୁବିଧାର ସମ୍ଭୁଖିନ ହୋଇ ଆସୁଥିଲେ ଫଳରେ ସରକାର ଙ୍କ ଠାରେ ଜୋରସୋର ରେ ଏକ ଅଣ୍ଡର ବ୍ରିଜର ଦାବୀ ଉପସ୍ଥାପନା କଲେ ଏବଂ ୨୪ ଦିନ ଧରି ଗଣ ଆନ୍ଦୋଳନ କରିଥିଲେ ଫଳ ସ୍ୱରୂପ କେନ୍ଦ୍ର ସରକାର ରାଜ୍ୟ ସରକାରଙ୍କ ଅନୁଦାନ କୁ ଅପେକ୍ଷା ନକରି ନିଜଆଡୁ ୩୨୬ କୋଟି ଟଙ୍କା ଅନୁମୋଦନ କରି ତହସିର ରୁ ଯୋଲକୋ ପର୍ଯ୍ୟନ୍ତ ରେଳ ଓଭର ବ୍ରିଜ ଓ ବାଇପାସ ରାସ୍ତା ମଞ୍ଜୁର ହୋଇଥିବା ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ ପୂର୍ବତନ ବିରୋଧି ଦଳ ନେତା ପ୍ରଦୀପ୍ତ ନାଏକ ଙ୍କ ପ୍ରସ୍ତାବ ଚିଠିକୁ ଉଲ୍ଲେଖ କରି ବାଲେଶ୍ୱର ଓ କେସିଙ୍ଗା ରେ ତହସିର ଠାରୁ ଯୋଲକୋ ପର୍ଯ୍ୟନ୍ତ ରେଳ ଓଭର ବ୍ରିଜ ଓ ବାଇପାସ ରାସ୍ତା ମଞ୍ଜୁର ହୋଇଥିବା ନିଜ ଟୁଇଟର ହେଣ୍ଡଲ ଓ ଫେସବୁକ ରୁ କେନ୍ଦ୍ରମନ୍ତ୍ରୀ ନୀତିନ ଗଡ଼କରି ଙ୍କୁ ଉଭୟ ସହର ପାଇଁ ଅନୁଦାନ ମଞ୍ଜୁର କରିଥିବାରୁ ତାଙ୍କୁ ଧନ୍ୟବାଦ ଦେଇ ଖୁସି ଜାହିର କରିଥିବା କେନ୍ଦ୍ର ରାଜପଥ ବିଭାଗ ୱେବ୍ସାଇଟ ରୁ ସୂଚନା ମିଳିଛି!
ତେବେ ପୂର୍ବତନ ବିରୋଧି ଦଳ ନେତା ଙ୍କ ଦେଇଥିବା ପ୍ରସ୍ତାବ ଓ କେନ୍ଦ୍ର ସରକାର ଙ୍କ ଦ୍ୱାରା ମଞ୍ଜୁର ହୋଇଥିବା ପ୍ଲାନ କୁ ବଦଳେଇ କିଛି ଲୋକଙ୍କୁ ଫାଇଦା ଦେବାପାଇଁ ରାତି ଅଧିଆ ପ୍ଲାନ କୁ ବଦଳେଇ କେସିଙ୍ଗା ସହର ଭିତରେ ପ୍ରବେଶ କରେଇ କେସିଙ୍ଗା ସହର ମଧ୍ୟବର୍ତ୍ତୀ ଇଣ୍ଡିଆନ ପେଟ୍ରୋଲ ପମ୍ପ ସମ୍ମୁଖରେ ବାହାର କରି ଜୁନାଗଡ଼ କେସିଙ୍ଗା ଚାରିଲେନ ରାସ୍ତା ସହ ସଂଯୋଗ କରୁଥିବା ବର୍ତମାନ ରାଜପଥ ବିଭାଗ ଦ୍ୱାରା ଜାରି ହୋଇଥିବା ମ୍ୟାପ ରୁ ସ୍ପଷ୍ଟ ହୋଇଛି ! ତେଣୁ ବର୍ତମାନ ନିର୍ମାଣଧିନ ଆରଓବି ହିଁ କେସିଙ୍ଗା ପାଇଁ ବାଇପାସ ବୋଲି ଚିତ୍ର ସାମ୍ନା କୁ ଆସୁଅଛି ! କିଛି ଲାଞ୍ଚୁଆ ଅଧିକାରୀ ଲୋକଙ୍କ ଦାବୀ କୁ ଅଣଦେଖା କରି ସହରର ମଧ୍ୟବର୍ତ୍ତୀ ଇଣ୍ଡିଆନ ପେଟ୍ରୋଲ ପମ୍ପ ନିକଟରେ ରେଳ ଓଭର ବ୍ରିଜ ରାସ୍ତା କୁ ସଂଯୋଗ କରେଇ କେସିଙ୍ଗା ଜନସାଧାରଣ ଙ୍କୁ ମରଣ ମୁହଁ କୁ ଠେଲି ଦେଇଛନ୍ତି ବୋଲି କେସିଙ୍ଗା ସାଧାରଣ ଜନତା ଜୋରସୋର ରେ ବିରୋଧ ଜାହିର କରିଛନ୍ତି ! ଯଦି ରେଳ ଓଭର ବ୍ରିଜ ରାସ୍ତା ସହ ଜୁନାଗଡ଼ କେସିଙ୍ଗା ଚାରି ଲେନ ରାସ୍ତା ସଂଯୋଗ ହୁଏ ତାହେଲେ ଭୟାଭୟ ସ୍ଥିତି ଉପୁଜିବ ବୋଲି ଲୋକେ ଏବେ ଠାରୁ ଆଶଙ୍କା ରେ ଅଛନ୍ତି! କାରଣ ଇଣ୍ଡିଆନ ପେଟ୍ରୋଲ ପମ୍ପ ଠାରୁ ବୋରିଙ୍ଗପଦର ମଧ୍ୟରେ ମାସକୁ ଚାରି ରୁ ପାଞ୍ଚ ଟି ଦୁର୍ଘଟଣା ଘଟି ଲୋକେ ମୃତ୍ୟୁ ମୁଖରେ ପଡୁଛନ୍ତି ଯଦି ଚାରି ଲେନ ରାସ୍ତା ଏଠାରେ ସଂଯୋଗ ହୁଏ ତାହେଲେ କେବଳ ଲୋକେ ଦୁର୍ଘଟଣା ର ଶିକାର ହେବେ ନାହିଁ ବରଂ ପିମ୍ପୁଡି ଓ ମାଛି ପରି ମରିବେ ବୋଲି ବର୍ତ୍ତମାନରୁ ଲୋକଙ୍କ ମଧ୍ୟରେ ଉଦବେଗ ପ୍ରକାଶ ପାଇଛି !
ଏନେଇ ଲୋକଙ୍କ ଆବେଗ କୁ ଦୃଷ୍ଟି ରେ ରଖି କେସିଙ୍ଗା ବାଇପାସ କ୍ରିୟାନୁଷ୍ଠାନ କମିଟି ଓ ସଚେତନ ନାଗରିକ ମଞ୍ଚ ଦ୍ୱାରା କଳାହାଣ୍ଡି ଜିଲ୍ଲାପାଳ, ଲୋକସଭା ସାଂସଦ, ରାଜ୍ୟସଭା ସାଂସଦ, ମୁଖ୍ୟମନ୍ତ୍ରୀ,ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ ଓ ଅନ୍ୟାନ୍ୟ ବିଭାଗୀୟ ଅଧିକାରୀଙ୍କୁ ଙ୍କୁ ସାକ୍ଷାତ କରି କେସିଙ୍ଗା ରେ ଏକ ବାଇପାସ ରାସ୍ତା ନିର୍ମାଣ ପାଇଁ ଦାବୀ କରିଛନ୍ତି ହେଲେ ପ୍ରଶାସନିକ ସ୍ତରରେ ବର୍ତମାନ ଲୋକଙ୍କ ଦାବିକୁ ଅଣଦେଖା କରି ଲୋକେ ଚାହୁଁନଥିବା ପ୍ରକଳ୍ପ ଉପରେ ଗୁରୁତ୍ୱ ଦେଉଥିବା ଲୋକେ ଅଭିଯୋଗ କରିଛନ୍ତି! ଶେଷରେ ବାଧ୍ୟହୋଇ ଆନ୍ଦୋଳନ ର ସାହାରା ହିଁ ଆମର ବିକଳ୍ପ ବୋଲି ଜନ ସାଧାରଣ ଆନ୍ଦୋଳନ ପାଇଁ ସଜବାଜ ହେଉଥିବା ଶୁଣିବାକୁ ମିଳିଛି!
What's Your Reaction?
