କେସିଙ୍ଗା ସରକାରୀ ବାଳିକା ବିଦ୍ୟାଳୟରେ ଛା ତ୍ରୀମାନଙ୍କର ଶୈକ୍ଷିକ ଓ ସହ ଶୈକ୍ଷିକ ତଥା ସାମଗ୍ରିକ ବିକାଶ ଫଳାଫଳ ଘୋଷଣା

ଓସେପା, ଓଡିଶା ସରକାରଙ୍କ ନିର୍ଦ୍ଦେଶ ମୁତାବକ ଆଜି ବିଦ୍ୟାଳୟ ପରିଚାଳନା ସମିତିର ସଭାପତି ଶ୍ରୀ ଶିବ ପ୍ରସାଦ ସାହୁଙ୍କ ସଭାପତିତ୍ବରେ ସରକାରୀ ଉଚ୍ଚ ବାଳିକା ବିଦ୍ୟାଳୟ, କେସିଙ୍ଗା ପରିସରରେ ବାର୍ଷିକ ପରୀକ୍ଷା ଓ ସମାପ୍ତି ସୂଚକ ଆକଳନ -୨୦୨୪-୨୫ ଶିକ୍ଷା ବର୍ଷ ନିମନ୍ତେ ବିଦ୍ୟାଳୟରେ ଷଷ୍ଠ ରୁ ନବମ ଶ୍ରେଣୀରେ ଅଧ୍ୟୟନରତ ୧୭୪ ଛାତ୍ରୀମାନଙ୍କର ଶୈକ୍ଷିକ ଓ ସହ ଶୈକ୍ଷିକ ତଥା ସାମଗ୍ରିକ ବିକାଶ ଫଳାଫଳ ଘୋଷଣା କରାଯାଇଛି। ଏହି ଅବସରରେ ପ୍ରତି ଶ୍ରେଣୀର ଶ୍ରେଷ୍ଠ ୧୦ ଜଣ ସର୍ବୋଚ୍ଚ ପ୍ରାପ୍ତାଙ୍କ ହାସଲକାରୀ ସମୁଦାୟ ୪୦ଜଣ ମେଧାବୀ ଛାତ୍ରୀମାନଙ୍କୁ ଶ୍ରେଷ୍ଠ ଶିକ୍ଷା ଦକ୍ଷତା ପ୍ରମାଣ ପତ୍ର ପ୍ରଦାନ ସହ ପୁରସ୍କୃତ କରାଯାଇଥିଲା। ଆକଳନରେ ଭଲ ଶିକ୍ଷଣ ଦକ୍ଷତା ପ୍ରଦର୍ଶନ କରିଥିବା ମେଧାବୀ ଛାତ୍ରୀମାନଙ୍କୁ ଦ୍ବିଗୁଣିତ ପରଶ୍ରମ ଓ ଅଧ୍ୟବସାୟ କରିବାକୁ ଏବଂ ଅପେକ୍ଷା କୃତ କମ୍ ଫଳାଫଳ ହାସଲ କରିଥିବା ଛାତ୍ରୀମାନେ ଅନବରତ ଅଭ୍ୟାସ ବଳରେ ବିଭିନ୍ନ ବିଷୟରେ ଭଲ ମାନ ହାସଲ କରିବାକୁ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ସମୀର କୁମାର ବେହେରା ପରାମର୍ଶ ଦେଇଥିଲେ। ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ,ଶିକ୍ଷୟିତ୍ରୀ ଓ ଅଣ ଶିକ୍ଷକ କର୍ମଚାରୀ ମାନେ ସହଯୋଗ କରିଥିଲେ ।
What's Your Reaction?






